Həmvətənimiz Dünya Rəssamlıq Akademiyasına üzv seçilib

Naxçıvan Rəssamlar Birliyinin sədri, Azərbaycanın Əməkdar rəssamı, Naxçıvan Dövlət Universitetinin müəllimi Ülviyyə Həmzəyevanın “Yeni Era” Dünya Rəssamlıq Akademiyasına həqiqi üzv seçilməsi ilə bağlı təhsil ocağında professor, müəllim və tələbələrin iştirakıyla tədbir keçirilib.

Tədbiri universitetin prorektoru, professor Məmməd Rzayev açaraq “Yeni Era” Dünya Rəssamlıq Akademiyasının prezidenti Anatoli Silovu iştirakçılara təqdim edib, Ülviyyə Həmzəyevanın yaradıcılığından danışıb.

Anatoli Silov tədbir iştirakçılarına təmsil etdiyi akademiya haqqında məlumat verib. Bildirib ki, baş ofisi Xorvatiyada yerləşən akademiyada 130 ölkədən olan fırça ustaları təmsil olunur. Ülviyyə Həmzəyevanın quruma ən gənc üzv kimi qəbul olunduğunu vurğulayan qonaq “Yeni Era” Dünya Rəssamlıq Akademiyasının fəxri diplomunu, vəsiqə və mantiyasını rəssama təqdim edib. Tədbir iştirakçıları Ülviyyə Həmzəyevanın əsərlərindən ibarət sərgi ilə də tanış olublar.

Fariz Yunisli

Mədəniyyət.- 2013.- 7 iyun.- S. 15.